A programación de Participación Ambiental de Primavera 2026 promovida pola Concellería de Medioambiente de Vigo arranca despois de Semana Santa con actividades nas hortas urbanas, con voluntariado medioambiental e con percorridos polo sur de Pontevedra. Toda a programación AQUÍ.
RUTA 1 – MIRADOIROS DE VIGO (12/4/26)
Os percorridos ambientais da
primavera de 2026 van achegarse aos miradoiros naturais do sur de Pontevedra,
empezando por algúns dos localizados nos montes de Vigo. A intención é
contemplar a riqueza natural e paisaxística da área metropolitana de Vigo.
Na primeira etapa, o domingo 12
de abril, realizarase a travesía dende o Miradoiro do Parque Forestal do
Maruxento (Matamá), pasando polo Maúxo Grande (Coruxo) para rematar no Alto da
Bandeira (Saiáns). Aparte de contemplar vistas panorámicas de Vigo e da súa
ría, pasarase por lugares singulares como as Covas do Folón e enclaves curiosos
de Comesaña.
Cómpre advertir que o percorrido
de preto de 11km presenta unha dificultade media-alta dado o desnivel existente
(ver alzado)
Inscrición gratuíta
- Dende luns 6 de abril,
no 010 (986 81 02 60 dende o móbil). Empadroados: de luns a mércores, de 8:00 a
20:00. Non empadroados: xoves previo á actividade.
- Criterio de
participación: unha mesma persoa non poderá asistir a dúas actividades
consecutivas, agás que, atopándose en lista de agarda, quedasen prazas
dispoñibles o mércores a partir das 15 horas. Nese caso seralle comunicado na
tarde do propio mércores previo á actividade. Tamén se establece en tres o
número de persoas que se poden inscribir en cada chamada ao 010 (986810260
dende móbil), agás unidades familiares con máis dun fillo.
- No caso de non poder
asistir unha vez inscrito/a, hase de comunicar en
info@caminoacaminovigo.org para así convocar á lista de agarda. Lembrar
que hai que facelo antes do venres as 13:00 para que haxa tempo de activar a
inscrición do novo participante.
Datos do percorrido
✔ Domingo 12 de abril
🏁 Punto de Encontro: Praza do Rei. Traslado en
autobús discrecional (gratuíto)
👀 Hora de rexistro de entrada: 8:30. Hora de
saída: 9:00. Hora de finalización 14:00 (aprox)
🏃 Distancia: 10,8 km | Dificultade media-alta (atendendo
ao público de Camiño a Camiño)
Percorrido opcional curto: 9:5 km | Dificultade media
👉 Recomendación: levar bastóns, botas que soporten auga e capa (no caso de
previsión de choiva), así como auga para hidratarse en ruta.
🗾 Trazado e alzado:
