A programación de Participación Ambiental de Primavera 2026 promovida pola Concellería de Medioambiente de Vigo prosigue a semana do 13 con actividades nas hortas urbanas, con voluntariado medioambiental e con percorridos polo sur de Pontevedra. Toda a programación AQUÍ.
 |
| Vistas dende Miradoiro do Coto de Aguia |
Destacar que nesta semana están previstos os cursos básicos de hortas urbanas (14/4 en Navia, 15/4 en Fontáns e 16/4 en Pedro Alvarado; a partir das 16:30), asi como os cursos de iniciación ao voluntariado ambiental (16/4, as 16:30; 18/4, as 11:00; nas instalacións de VigoNature)
Vistas dende Miradoroiro do Castro de Negros
RUTA 2 – MIRADOIROS DE REDONDELA (19/4/26)
Os percorridos ambientais da primavera de 2026 prosiguen cos miradoiros naturais do sur de Pontevedra, nesta etapa os do Castro de Negros (perspectiva val de Redondela) e o de Coto de Aguia (perspectiva Vigo e Morrazo). Finalmente non se accederá ao Miradoiro do Coto Fenteira por motivos de seguridade. Nesta ocasión resulta interesante os enclaves prehistóricos que imos ver: Mámoa do rei, Petróglifo Chan da Cruz e Castro de Negros, ou sexa tres épocas prehistóricas distintas con asentamentos humanos na paisaxe sacralizada.
Cómpre advertir que haberá percorrido longo (10,8km e dificultade media-alta) e percorrido curto (8,8km e dificultade media) segundo se indica máis abaixo. IMPORTANTE LEVAR BASTÓNS dada a importante pendente de baixada ao final do percorrido.
Inscrición gratuíta
- Dende luns 13 de abril, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
Datos do percorrido
✔ Domingo 19 de abril
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:00. Hora de finalización 14:00 (aprox)
🏃 Percorrido longo: 10,8 km | Dificultade media-alta (atendendo ao público de Camiño a Camiño)
🏃 Percorrido opcional curto: 8,8 km | Dificultade media (atendendo ao público de Camiño a Camiño)
👉 Recomendación: levar bastóns, botas que soporten auga e capa (no caso de previsión de choiva), así como auga para hidratarse en ruta.
🗾 Trazado e alzado percorrido longo:
🗾 Trazado e alzado percorrido curto:
