XI ANDAINA POLOS MONTES DE VIGO
31 maio 2026 | Parque Forestal de Zamáns
PUNTO DE INICIO E TRAZADOS WIKILOCK
- Punto de inicio: Parque Forestal de Zamáns ... ENLACE A GOOGLE MAPS
- Ruta Longa (20 km, Dificultade alta)... PULSAR AQUI
- Ruta Media (12 km, Dificulatade media-alta)... PULSAR AQUI
- Ruta Curta (6,7 km, Dificultade baixa)... PULSAR AQUI
_________________________
DATOS BÁSICOS DA ANDAINA
O Concello de Vigo, a través da Concellería de Medio Ambiente, bota a andar a XI Andaina polos dos montes de Vigo, en colaboración coa Mancomunidade de Montes de Vigo e co patrocinio de Vegalsa-Eroski. Terá lugar o domingo 31 de maio, pola mañá, sendo a base de operacións o Parque Forestal de Zamáns (localización Google Maps)
Inscrición no 010 dende o 14 de maio ata o venres 29 de maio, as 13 horas. Tal e como se indica máis abaixo, será necesario apuntarse nunha das andainas previstas e que están adaptadas as características dos distintos públicos. Ademáis, haberá exposicións e actividades infantis. Está previsto que participe en torno a un milleiro de vigueses e viguesas.
O obxectivo que se persigue con este evento é dar a coñecer os recursos dispoñibles nos montes periurbanos de Vigo: parques forestais e sendeiros locais, onde nos podemos achegar ao patrimonio natural, así como algúns dos miradoiros e espazos etnoarqueolóxicos máis destacados da cidade.
Nesta edición daranse a coñecer os servizos ecosistémicos que aportan os montes á sociedade nun espazo emblemático como o Parque Forestal de Zamáns, na Comunidade de Montes de Zamáns. Particularmente falarase dos servizos recreativo-culturais, dos que tanto o parque forestal como os muíños do río Zamáns son unha boa mostra, así como dos servizos de regulación hídrica e de regulación de CO2 ou do efecto illa ante a onda de calor dos períodos de altas temperaturas cada vez máis frecuentes.
As andainas previstas circularán polos sendeiros locais de Zamáns e de Beade-Bembrive, pasando tamén polos parques forestais de Bandeira e da Área Recreativa do Pouso (Bembrive) ou por lugares de interese medioambiental e etnolóxico. A súa vez permitirán comprobar unha variedade de plantacións forestais, con frondosas e bosque de ribeira.
A programación vai dirixida á poboación en xeral, cun apartado específico para público infantil. A modo de resume recóllese no cartaz do evento (AQUI) e nos seguintes apartados.
PROGRAMA INFANTIL (PULSAR AQUI)
INSCRICIÓN E FUNCIONAMENTO DO EVENTO:
Inscrición: Aqueles/as interesados en participar na XI Andaina polos montes de Vigo pódense inscribir ata o 29 de maio as 13 horas no 010
No caso de que o día 31 de maio haxa prazas dispoñibles, poderase facer inscrición no Parque Forestal do Vixiador ata media hora antes do inicio da actividade.
Lugar de encontro: Parque forestal de Zamáns (localización Google Maps)
Recollida de tarxeta de participación: previo ao inicio das actividades, as persoas inscritas recollerana na carpa de organización. A participación é gratuíta. No caso da Andaina Longadará dereito ao acceso ao autobús lanzadeira ata o inicio de actividade. No resto de actividades será solicitada ao principio das mesmas.
Agasallo a participantes: kit de abastecemento e promocional cortesía de Vegalsa-Eroski, xunto con entrega de camiseta recordatoria. Entregaranse no momento de solicitude da tarxeta de participación.
Inicio de actividade: segundo horario previsto na programación descrita previamente, sendo preciso estar rexistrado media hora antes.
Recomendacións: Roupa cómoda e calzado axeitado para monte, hidratación constante, respecto ás indicacións da organización, coidado do entorno empregando os contenedores habilitados e respectando a flora e fauna que se atope.
Regulamento: A inscrición nas andainas leva asociado a aceptación do regulamento da andaina (ver abaixo) e desprazarse ata o Parque Forestal de Zamáns, tendo que realizarse o correspondente rexistro. O non cumprimento do regulamento pode supor a suspensión da participación.
Cada participante configurará o percorrido que máis lle interese segundo a planificación das andainas, asumindo que o percorrido estará marcado previamente e se realizará de xeito autónomo.
No punto de saída iniciaranse as andainas co acompañamento de persoal de organización que encabezarán os grupos e que se verán reforzados en diversos puntos críticos ou travesías por voluntarios/as das distintas comunidades de montes polas que se transitan.
Máis información: info@caminoacaminovigo.org | whatsapp 662 23 10 23 | caminoacaminovigo.org
