A programación de Percorridos Medioambientais de Outono 2026 promovida pola Concellería de Medioambiente de Vigo prosigue o 18 de outubro coa Ruta por Vilaboa, dende Ponte Sampaio ata as Salinas de Ulló. As inscricións principian o martes 13 de outubro no 010
 |
| Vista panorámica da Ensenada de San Simón |
MIRADOIROS DE VILABOA (18/10/26)
Os percorridos ambientais da outono de 2026 proseguen polos miradoiros naturais de Vilaboa. A intención é contemplar a riqueza natural e paisaxística da área metropolitana de Vigo.
Na cuarta etapa, o domingo 18 de outubro, realizarase dende Ponte Sampaio, subindo á Pedra furada, para logo baixar ata o engaiolante conxunto das Salinas de Ulló. Poderánse contemplar vistas panorámicas da Ensenada de San Simón.
Cómpre sinalar que o percorrido de preto de 9 km presenta unha dificultade media, se ben cunha forte subida no medio ata á Pedra furada que é opcional subir.
Inscrición gratuíta
- Dende martes 13 de outubro, no 010. Empadroados: de luns a mércores, de 8:00 a 20:00. Non empadroados: xoves previo á actividade.
- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010, agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
 |
| Participantes na anterior ruta de Camiño a Camiño |
Datos do percorrido
✔ Domingo 18 de outubro
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:00. Hora de finalización 15:00 (aprox)
🏃 Ruta: 9 km | Dificultade media (atendendo ao público de Camiño a Camiño)
👉 Recomendación: levar bastóns, calzado de trecking e auga para hidratarse en ruta.
