![](https://blogger.googleusercontent.com/img/b/R29vZ2xl/AVvXsEiBQsyaOrn_U_EjdiTseQuOljelt7Jfivc1mTk-imD8XHkm8plUbmCT-U25i7mIT1QYkxnFGwbEqT1p5hUpIfQFyuMzJWcpd-5O-2bqJKMqGCkCn9NhOAog7gIMa5X2pvliEyllpBEiRTKu/s320/FS98-GR53-1+%252816%2529.jpg)
Nesta semana do 5 ao 11 de marzo vai ser intensa en actividade de Camiño a Camiño dado que escomeza a programación de Cursos e de Hortas urbanas, e proseguen os Percorridos mediambientais e o Voluntariado medioambiental.
Cursos (sábado 10 marzo)
A Concellería de Medio Ambiente ten programado para este sábado tres cursos:
- Curso de iniciación ao voluntariado medioambiental (10 marzo, 10-13h, Vigozoo, gratuíto). Este curso habilita para participar nos programas de voluntariado medioambiental do Concello de Vigo
- Curso "Viticultura en Galicia" (10 marzo, 11:30-14:00, Asoc. Veciñal Casco Vello -Rúa Oliva 12,soto-). Daranse a coñecer os distintos viños de Galicia e faráse un detalle dos viños da Ribeira Sacra. Haberá degustación.
Hortas urbanas (toda a semana)
![](https://blogger.googleusercontent.com/img/b/R29vZ2xl/AVvXsEjxEBiUmZsrMzc_PFAzXMNiHcvy-b8djlcOLQpoxq_G7bNAdcUx7dUuAL7DnVFX7sdSzLCLOWG7qmgfanuIrWxFG7h6YM0vjg0O2piJJZWsqok9SRXW6V_AICR3uHsBny7wru1XpuYiQaJc/s320/HTeis-1.jpg)
Os horarios das distintas hortas están dispoñibles na solapa de hortas (premer)
Percorridos medioambientais (domingo 11 marzo)
Esta semana realizarase a segunda etapa entre o Parque Forestal de Bembrive e Zamáns, cun total de 11 km de intenso monte. Veremos a transición entre montes sanos e montes queimados. Tamén teremos ocasión de gozar de bonitas panorámicas, se o tempo acompaña.
Voluntariado medioambiental (martes, xoves e sábado)
Nesta semana, se o tempo o permite , proseguirase o martes e o xoves co marcado do GR-53 en distintos tramos. De non poder pintar, farase recorrido de recoñecemento de sendeiros locais afectados polo lume.
![](https://blogger.googleusercontent.com/img/b/R29vZ2xl/AVvXsEhhyphenhyphenUxQ7wRIsNoUie99GCAjufLhSWN_9_OvKdiPKFL_oalwmNfGsewjdMMzQxNkxnvbWG6QepizEDKQhIPnR0P7ahoRJ6ZAyeh1FjzuVL6PuvmdVjM0NjqfubQkCRJzjcluob3Yx25Mqe5C/s320/WhatsApp+Image+2018-02-22+at+20.16.10+%25282%2529.jpeg)
O sábado, tamén se o tempo o permite, faranse labouras de plantación na Comunidade de Montes de Matamá. O lugar de quedada será no Parque Forestal de Maruxento as 10:00, ou quen queira, na Pasiva ás 9:30. No caso de choiva, suspenderase a actividade.
Lembrar que este sábado 10 tamén haberá o Curso de iniciación ao voluntariado para aquelas persoas que queiran incorporarse a esta actividade. Ver enriba apartado de cursos.