O próximo domingo 13 de maio terá lugar a Vª andaina polos montes de Vigo organizada pola Concellería de Medio Ambiente de Vigo en colaboración con Montes de Vigo.
Aqueles/as interesados/as en participar pódense
inscribir ata o 11
de maio ao mediodía:
- Por teléfono: 010 (986 81 02 60 dende móbil)
- A través da web: Inscrición (preme neste enlace)
Agradecemos facer o antes posible a inscrición por motivos organizativos.
A inscrición leva asociado a aceptación do regulamento da andaina (ver folleto) e asumir o custe do desprazamento en autobús urbano dende a Praza do Rei ata o lugar de saída e a correspondente volta, podéndose empregar a tarxeta Pass-Vigo. No caso de quen acuda ao percorrido curto en Monte dos Pozos, non terá custe.
· Percorridos para todos os públicos ·
 |
| Percorridos da V Andaina polos montes de Vigo |
Para aquelas persoas habituadas a camiñar, poden realizar o Percorrido Medio 2 (22,4km) ou o Percorrido Medio 1 (31,7km). Quen estea en condicións e se queira marcar un reto, é posible despois de xantar engadirlle ao percorrido Medio 1 a ruta curta, realizando o Percorrido Completo (39km).
O Percorrido curto é para quenes queiran realizar un percorrido sinxelo (7,3km) e vistoso, con algo de subida e baixada propio da zona.
 |
| Percorrido da Pequerruta e da Ruta adaptada |
 |
| Participantes da Pequerruta da pasada edición IV Andaina polos montes de Vigo |
· Tramos e percorridos ·
A continuación presentámosvos unha táboa resumo de datos de interese sobre cada un dos percorridos:
O día da Andaina (13 maio), na Praza do Rei terá lugar o proceso de control
de asistencia e entregarase a camiseta conmemorativa da Vª Andaina polos
montes de Vigo, e proporcionarase un kit con material de abastecemento e promocional
cortesía de Eroski-Center
e de Coca Cola. Tamén ao longo do percorrido, poderase completar o abastecemento
con bebida e alimentos enerxéticos facilitados polos patrocinadores.
No momento de finalización da Andaina proporcionarase unha ración de empanada e froito, sendo preciso levar a comida por parte dos/das participantes. A cafetería-restaurante de Monte dos Pozos tamén estará dispoñible para quen o desexe.
A intención é que aqueles participantes que o desexen gocen do Parque Forestal de Monte dos Pozos durante a tarde.
· Dinámica da Andaina ·
Desde a Praza do Rei desprazarase en lanzadeiras ata os lugares de saída previsto, para nese momento proceder ao inicio da Andaina coas previsións de tempos indicadas no cadro anterior.
Para quen acuda directamente no Parque Forestal de Monte dos Pozos no caso de Percorrido
curto ou de Pequerruta, unha vez feito o control de asistencia e entregadas a camiseta e o kit de abastecemento, procederase a unirse co grupo procedente de Praza do Rei.
Unha vez chegado ao punto de saída das distintas andainas,
iniciaranse as mesmas co acompañamento de persoal de organización que
encabezarán os grupos e que se verán
reforzados en diversos puntos críticos ou travesías por voluntarios/as das
distintas comunidades de montes polas que se transitan.
Tamén participará a
Policía Local e Protección Civil para atender os cruces perigosos ou posibles
eventualidades no discorrer da actividade. En total prevese un equipo de apoio
de preto de 100 persoas.
Está previsto pechar a actividade e facer a comida no Parque forestal de Monte
dos Pozos, agás os que fagan todo o percorrido, que continuarán pola
tarde. A partir das 16:00 horas, estarán dispoñibles as lanzadeiras que
volverán á Praza do Rei, habendo dúas saídas máis as 17:30 e as 19:00.
Máis información en info@caminoacaminovigo.org ou no teléfono 662 23 10 23.
