Senda da Auga III: ruta dende Pazos de Borbén ao Encoro de Eiras

Na segunda etapa da Senda da Auga de Vigo, Camiño a Camiño propónche realizar o tramo dende Pazos de Borbén ata Encoro de Eiras (Fornelos de Montes) seguindo o trazado da traída da auga no caso da ruta orixinal, e cresteando no caso da ruta variante.

Atención: na noite do sábado 30 adiantan a hora, polo que anque estamos convocados as 9:00 igual que as anteriores semanas, realmente imos a madrugar unha hora.

Nesta ocasión os trazados apenas coinciden, polo que haberá que decidir xa en orixe cal das rutas se vai facer. Lembrar que a variante sempre é máis esixente.

RUTA ORIXINAL (azul)
- Dificultade: baixa
- Lonxitude: 12 km
- Altura: mínimo 184 m e máximo 247 m
- Pendente: totalmente chaira, agás unha breve baixada do principio e do final
- Duración aproximada: 3 horas
- Recomendacións: aconsellable levar gorra, botas e bastón de apoio, así como auga suficiente.

RUTA VARIANTE (azul con desvío vermello)
- Dificultade: media
- Lonxitude: 11,5 km
- Altura: mínimo 188 m e máximo 442 m
- Pendente media: 6,2% / -5,8%. Máxima: 20,8%, -19,5% (ver alzado)
- Duración aproximada: 3,5 horas
- Recomendacións: aconsellable levar gorra, botas e bastón de apoio, así como auga suficiente.

Inscrición no 010 (986 81 02 60 dende móbil) dende o luns 25 de marzo ata o mércores 27 de marzo (non empadroados, o mércores).
Máis info: apartado Rutas e Actividades Familiares