Nesta primeira semana de marzo, a Concellería de Medio Ambiente de Vigo proponche o seguinte plan:
- Sábado 7 marzo, 10-13h en Vigozoo: Curso básico de hortas urbanas
- Sábado 7 marzo, 10-13h en Vigozoo: Curso de iniciación ao voluntariado medioambiental
- Domingo 8 marzo, 9-14: Camiños dos agricultores de Lavadores (ver máis info abaixo)
Inscrición no 010 (986 81 02 60 dende móbil) dende o luns 2 de marzo. Toda a información da programación nesta web e no programa (PREMER)
Camiños dos agricultores de Lavadores (domingo 8 marzo, mañá)
Ao igual que na semana pasada percorrimos as parroquias de Matamá e San Andrés de Comesaña para coñecer a importancia dos canteiros nestas parroquias, nesta semana que vén o faremos no antigo concello de Lavadores (PREMER para ver como foi o proceso de configuración de Vigo dende 1809 ata 1941, onde finalmente absorbeu a Lavadores). O obxectivo é coñecer a importancia da agricultura neste concello que sucedeu ao de Val do Fragoso a partir de 1836 e que estivo operativo ata o 16 de abril de 1941, cando foi anexionado por Vigo despois de múltiples vicisitudes.
Aparte de ser o "graneiro" de Vigo, as súas xentes fornecían de man de obra a puxante industria que se estaba desenvolvendo na construción naval, nas conserveiras e nos negocios pequeiros de Vigo. Tal e como se recolleu no ano 2011 nunha exposición denominada "Proxecto Lavadores": "A leira e o gando eran os traballos que seguían despois do toque de sirena da factoría". Tamén é significativo o feito de que en Lavadores concentrouse unha importante actividade sindical das organizacións campesiñas e obreiras, que fixeron que se acabara chamando "A Rusia chiquita" e un dos epicentros dos movementos agraristas de Galicia que reivindicaban a terra para quen a traballaba.
Resulta curioso como precisamente no traxecto que se vai realizar o domingo 8 de marzo, vaise circular a carón de tres hortas urbanas municipais, onde na actualidade máis dun cento de usuarios e usuarias practican semanalmente a experiencia de cultivar a terra.
Descrición da ruta
A ruta está previsto iniciala no paseo peonil do Calvario, a onde nos trasladará Vitrasa dende a Praza do Rei. Dende este punto circularase pola rúa Ramón Nieto podendo contemplar o Val do Fragoso en toda a súa extensión.
Farase unha parada na ACRD de Pardavila, onde estivo localizado no seu día o Concello de Lavadores e poderemos escoitar algunhas historias interesantes da súa etapa como concello e da súa tradición agrícola.
Posteriormente transitarase polas rúas paralelas a Ramón Nieto, entre elas a rúa de Fontáns, onde se atopa unha das hortas municipais. No traxecto poderemos comprobar como o río Lagares artella o territorio e como aínda a día de hoxe está moi presente a agricultura de autoconsumo.
Chegaremos ao Mercado de Cabral e dirixirémonos cara a horta municipal de Sardomela, para posteriormente, conectando co Sendeiro Local de Cabral, chegar ao Gorxal e rematar preto do cimeterio de Lavadores.
- Sábado 7 marzo, 10-13h en Vigozoo: Curso básico de hortas urbanas
- Sábado 7 marzo, 10-13h en Vigozoo: Curso de iniciación ao voluntariado medioambiental
- Domingo 8 marzo, 9-14: Camiños dos agricultores de Lavadores (ver máis info abaixo)
Inscrición no 010 (986 81 02 60 dende móbil) dende o luns 2 de marzo. Toda a información da programación nesta web e no programa (PREMER)
Camiños dos agricultores de Lavadores (domingo 8 marzo, mañá)
Ao igual que na semana pasada percorrimos as parroquias de Matamá e San Andrés de Comesaña para coñecer a importancia dos canteiros nestas parroquias, nesta semana que vén o faremos no antigo concello de Lavadores (PREMER para ver como foi o proceso de configuración de Vigo dende 1809 ata 1941, onde finalmente absorbeu a Lavadores). O obxectivo é coñecer a importancia da agricultura neste concello que sucedeu ao de Val do Fragoso a partir de 1836 e que estivo operativo ata o 16 de abril de 1941, cando foi anexionado por Vigo despois de múltiples vicisitudes.
Aparte de ser o "graneiro" de Vigo, as súas xentes fornecían de man de obra a puxante industria que se estaba desenvolvendo na construción naval, nas conserveiras e nos negocios pequeiros de Vigo. Tal e como se recolleu no ano 2011 nunha exposición denominada "Proxecto Lavadores": "A leira e o gando eran os traballos que seguían despois do toque de sirena da factoría". Tamén é significativo o feito de que en Lavadores concentrouse unha importante actividade sindical das organizacións campesiñas e obreiras, que fixeron que se acabara chamando "A Rusia chiquita" e un dos epicentros dos movementos agraristas de Galicia que reivindicaban a terra para quen a traballaba.
Resulta curioso como precisamente no traxecto que se vai realizar o domingo 8 de marzo, vaise circular a carón de tres hortas urbanas municipais, onde na actualidade máis dun cento de usuarios e usuarias practican semanalmente a experiencia de cultivar a terra.
Descrición da ruta
A ruta está previsto iniciala no paseo peonil do Calvario, a onde nos trasladará Vitrasa dende a Praza do Rei. Dende este punto circularase pola rúa Ramón Nieto podendo contemplar o Val do Fragoso en toda a súa extensión.
Farase unha parada na ACRD de Pardavila, onde estivo localizado no seu día o Concello de Lavadores e poderemos escoitar algunhas historias interesantes da súa etapa como concello e da súa tradición agrícola.
Posteriormente transitarase polas rúas paralelas a Ramón Nieto, entre elas a rúa de Fontáns, onde se atopa unha das hortas municipais. No traxecto poderemos comprobar como o río Lagares artella o territorio e como aínda a día de hoxe está moi presente a agricultura de autoconsumo.
Chegaremos ao Mercado de Cabral e dirixirémonos cara a horta municipal de Sardomela, para posteriormente, conectando co Sendeiro Local de Cabral, chegar ao Gorxal e rematar preto do cimeterio de Lavadores.
