Na fin de semana do 26 e 27 de setembro os paseos interpretativos polos montes de Vigo dirixiranse cara os montes de Zamáns e de Oia. Esta iniciativa forma parte do programa Camiño a Camiño da Concellería de Medioambiente de Vigo, en colaboración con Montes de Vigo e Agrupación de Centros Deportivos e Culturais de Vigo.
En Zamáns teremos ocasión de percorrer a senda etnoarqueolóxica que pasa polos muíños de Zamáns e bordea o encoro, para logo subir ao monte e atopar a fervenza da Freixa así como bonitas panorámicas do Galiñeiro.
En Oia circularemos polo medio de diversas plantacións ata coronar os montes nos límites con Priegue-Nigrán e cos montes de Saiáns. Polo camiño veranse algunhas panorámicas interesantes da Ría, se o tempo acompaña, claro.
En cada un dos paseos haberá dous niveis de dificultade para que sexa asequible a todo tipo de públicos.
SENDEIRO LOCAL DE ZAMÁNS.
✔ Sábado 26 de setembro
🏁 Punto de Encontro: Parque Forestal de Zamáns (ver GOOGLE MAPS).
👀 Hora de rexistro de entrada: 16:45. Hora de saída: 17:00. Hora finalización 19:15 (aprox)
🏃 Percorrido curto: 6,5 km, pendente media 6,5%, dificultade baixa | Percorrido longo: 7,5 km, pendente media 7%, dificultade media
🎼 Actuación (19:30): C.C.A.R Valladares (música e baille). A.C Traspés (música e baille)
SENDEIRO LOCAL DE OIA.
✔ Domingo 27 de setembro
🏁 Punto de Encontro: Parque Forestal de San Miguel de Oia (ver GOOGLE MAPS).
👀 Hora de rexistro de entrada: 9:45. Hora de saída: 10:00. Hora finalización 12:15 (aprox)
🏃 Percorrido curto: 5,2 km, pendente media 9%, dificultade baixa | Percorrido longo: 6,5 km, pendente media 8,1%, dificultade media
🎼 Actuación (12:30): A.C.F. O Fiadeiro (música). S.C.D.R Helios de Bembrive (música)
INSCRICIÓN (100 prazas por paseo)
- Dende luns 21 setembro, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Cada participante pode inscribirse a un único paseo por fin de semana, podendo solicitar estar na lista de agarda do outro para o caso de que houbese prazas dispoñibles.
- No caso de non poder asistir unha vez inscrito/a, hase de comunicar en info@caminoacaminovigo.org ou no teléfono 662 23 10 23 para así convocar á lista de agarda.
