Este mércores 12 de outubro levouse a cabo a acción de voluntariado na Senda Azul do Monte da Guía promovido por Decathlon Vigo en colaboración co Voluntariado de Camiño a Camiño da Concellería de Medio Ambiente.
A coincidencia do 30 aniversario de Decathlon cos 7 anos de traballos no Monte da Guía por parte do voluntariado de Camiño a Camiño foi o motivo polo que se celebrou esta acción e contou coa presenza da Concelleira de Medio Ambiente e do Director da tenda de Vigo-Meixoeiro.
O reto consistiu en abordar unha acción de erradicación de Tradescantia fuminensis (amor de home), ao mesmo tempo que se realizaba unha limpeza parcial do sendeiro e do Areal da Punta, contando co apoio da Asociación Voces polo Litorial de Teis.
O dia acompañou e participaron máis de 70 voluntarios e voluntarias que lograron superar o reto con creces tal e como se pode comprobar nas fotografías que se poden visualizar na reportaxe fotográfica (PREMER AQUI). Un breve resumo de seguido:
Acción eliminación Tradescantia fuminensis
