Rematan os percorridos por contornas naturais singulares de Galicia cunha vistosa visita ao Parque Natural de Corrubedo. Esta actividade está enmarcada no programa Camiño a Camiño de Outono'24 da Concellería de Medio Ambiente de Vigo.
Iniciouse o percorrido cun minuto de silencio polas vítimas do Levante. Posteriormente encamiñámonos cara o miradoiro da duna, onde tivemos ocasión de coñecer en detalle as características propias da maior duna móbil do norte da península, así como a súa evolución no tempo. Posteriormente o percorrido dirixiuse cara a Corrubedo pola praia, chegando ao Faro e as magníficas vistas do Océano Atlántico.
Pola tarde aproximánonos ao Centro de Interpretación e ao seu entorno, contemplando a Lagoa de Carrexal e outros aspectos históricos da zona.
