A Cañiza - Arbo: detalles do percorrido a pe

Na ruta do vindeiro domingo, comezamos o noso periplo polo baixo Miño, que nos levará en tres etapas dende os montes da comarca da Paradanta ata o mesmo Océano Atlántico.  A primeira destas etapas comeza na vila da Cañiza, a 565 metros de altitude, xunto o cumio do monte Vieiro.  Dende aquí temos unha ampla visión das Serras do Suído e do Faro de Avión, que conforman o extremo Sur da Dorsal galega.  Poderemos divisar tamén os montes e serras do país veciño, mais aló do val do Miño.
Case de contado comezamos a baixar (ver entrada do blog do 15-09-14), a medida que nos imos encamiñando ata o val do río Oulo, río tributario do Deva, que baixa da Serra encaixado nun canón, cheo de pozas e pequenas fervenzas.

Canón do Oulo.

Seguimos camiñando para abandonar o val do Oulo e pasar ó do Deva.  Dende aquí collemos o PRG-165 Sendeiro das fragas e levadas do Deva e o Calvo.  Este é un sendeiro feito polos vaciños de Parada de Hachas, de 24 kilómetros, que percorre as ribeiras e as fragas de estes dous ríos e o val de Parada. 

Levada no val do Oulo.

O percorrido destaca polos seus valores naturais, paisaxísticos e etnográficos.  Entre os principais valores naturais destacan as fermosas e extensas fragas que aínda conservan as ribeiras do río Deva.  Son fragas extensas e pouco transformadas pola man do home, nas que destaca a riqueza da súa flora e fauna.  Nestes bosques podemos atopar unha grande variedade de árbores, como amieiros, salgueiros, abeleiras e freixos na primeira liña, xunto o cauce do río.  Mais alonxados da auga dominan os carballos, pradairos, castiñeiros, estripeiros, e un longo etcétera de árbores e arbustos.  A diferenza entre as fragas e matogueiras da parte alta do Oulo e o Monte vieiro e o final da ruta xunto ó río Miño é moi salientable, e danos unha idea da grande biodiversidade desta comarca. 

Fraga nas ribeiras do río Deva.

Os valores culturais e etnográficos son tamén moi destacables, as mostras da arquitectura tradicional son constantes, destacan as pontes como a de Taín, os numerosos muíños, corredoiras, as levadas, que son pequenas canles que levan auga dende o monte ata as leiras e prados de zonas baixas.  Un dos elementos mais curiosos son as poldras.  As poldras son sinxelos pasos para vadear os ríos, formados por pedras dispostas a un paso de distancia unhas das outras. 
Na zona aínda podemos ver tramos de antigos camiños medievais empedrados, como o camiño dos defuntos e o da Raíña, que vai ata a Franqueira.
Seguindo o Deva chegamos ó lugar de a Lomba, onde faremos a parada para xantar.  Tras descansar e repoñer forzas, retomamos camiño para subir ata o Coto da Moura.  No Alto da Moura podemos ver varios petroglifos, que testemuñan a presenza humana nesta estratéxica zona dende a prehistoria. 
O tramo final do percorrido é de baixada, dende o alto da Moura, descendemos cara o Miño, atravesando viñas e piñeirais, ata chegar ao Pazo de Moreira ou do Marqués de Vizhoja, enclavado no medio dos viñedos desta coñecida adega.

Vistas de Portugal dende o Coto da Moura.
Nombre

Avisos,2,Fotos,81,Novas,194,Programación,4,
ltr
item
Camiño a Camiño Vigo 2024: A Cañiza - Arbo: detalles do percorrido a pe
A Cañiza - Arbo: detalles do percorrido a pe
https://blogger.googleusercontent.com/img/b/R29vZ2xl/AVvXsEgej-z4aFv_e8VgDG1ZHqEUE496L_RE9Ic-WSv5IjbBzOdDmeAD4Npk4IDBfYRJZ6AKZQmVbYLtG5hzuOATrthgPFdTP6kofpjF2aX-mqAZYQt504gUCOlUd3EpnJkgBWD0Hz7o2DVv4JUl/s1600/Can%C3%B3n+Oulo.JPG
https://blogger.googleusercontent.com/img/b/R29vZ2xl/AVvXsEgej-z4aFv_e8VgDG1ZHqEUE496L_RE9Ic-WSv5IjbBzOdDmeAD4Npk4IDBfYRJZ6AKZQmVbYLtG5hzuOATrthgPFdTP6kofpjF2aX-mqAZYQt504gUCOlUd3EpnJkgBWD0Hz7o2DVv4JUl/s72-c/Can%C3%B3n+Oulo.JPG
Camiño a Camiño Vigo 2024
https://www.caminoacaminovigo.org/2014/09/a-caniza-arbo-detalles-do-percorrido-pe.html
https://www.caminoacaminovigo.org/
https://www.caminoacaminovigo.org/
https://www.caminoacaminovigo.org/2014/09/a-caniza-arbo-detalles-do-percorrido-pe.html
true
6357156881945107423
UTF-8
Tódolos artigos están cargados Non se atopou ningún artigo VER TODO Ler máis Responder Cancelar resposta Borrar Por Inicio PÁXINAS POSTS Ver Todo RECOMENDADO PARA TI CATEGORÍA ARQUIVO BUSCAR TÓDOLOS ARTIGOS Non se atopou ningunha coincidencia coa túa solicitude Volver a Inicio Domingo Luns Martes Mércores Xoves Venres Sábado Dom Lun Mar Mér Xov Ven Sáb Xaneiro Febreiro Marzo Abril Maio Xuño Xullo Agosto Setembro Outubro Novembro Decembro Xan Feb Mar Abr Maio Xuñ Xul Ago Set Out Nov Dec Agora mesmo Fai 1 minuto $$1$$ minutes ago Fai 1 hora $$1$$ hours ago Onte $$1$$ days ago $$1$$ weeks ago Fai máis de 5 semanas Seguidores Seguidos ESTE CONTIDO ESTÁ BLOQUEADO PASO 1: Compartir coas túas redes sociais PASO 2: Fai click no enlace da túa rede social Copiar todo Seleccionar todo Este contido foi copiado no teu portapapeis Non se puido copiar, por favor preme [CTRL]+[C] (ou CMD+C con Mac) para copiar