Os inscritos/as nas actividades en Cíes promovidas pola Concellería de Medio Ambiente de Vigo estamos desexando que chegue a fin de semana para gozar da illa e introducirnos no seu misterioso manto.
Para que sexa o máis satisfactorio posible, achegamos algunha información de utilidade tanto para a Acampada familiar do 19-20 maio como para a Visita do 20 de maio.
ACAMPADA FAMILIAR 19-20 MAIO
Hora de rexistro: 9:30. Temos que recoller os billetes e o localizador de entrada na illa, que son personalizados e van ser solicitados no momento de acceder ao peirao de Cies. Nese momento faise o abono do importe (levar o importe xusto se é posible)
Hora de embarque: 10:45 para entrar as 11:00 no barco (retrasáronnos 15 minutos sobre o previsto inicialmente)
Atención: no momento de chegada haberá que someterse ao proceso de control de acceso á illa por parte de persoal do Parque. Tentaremos que sexa o máis áxil posible.
Actividades previstas. Sábado mañá: montaxe e tempo libre. Sábado tarde: actividade de conservación e visita guiada. Sábado noite: observación nocturna de estrelas (con membros da Fundación Ceo). Domingo mañá: recollida tendas e ruta guiada (opcional). Domingo tarde: tempo libre
Asignación de tendas. Para aquelas familias que solicitaron tenda, realizarase a asignación ao chegar ao camping segundo o número de prazas solicitadas. Na medida do posible, atenderanse as preferencias de proximidade ou de compartir tendas.
Podedes ver na fotografía como está disposto o campamento, que se ubicou xusto á entrada do camping, e tamén a dispoñibilidade dun espazo comedor, que necesariamente haberá que establecer turnos para o seu emprego.
Recomendacións importantes:
- Documentación imprescindible: DNI (pedirán identificación) e Tarxeta sanitaria
- Carriño da compra con rodas para levar material (é moi práctico para transportar mercancía ata o camping), aparte das mochilas oportunas.
- Gorras e crema solar (a incidencia solar é moi forte na illa), así como gafas de sol.
- Roupa de abrigo para a noite (baixa moito a temperatura)
- Calzado de camiñar (tipo bota de sendeirismo) para o momento de facer as rutas.
- Saco de durmir o máis cálido dispoñible, xunto con esterilla ou colchoneta. No caso de que sexa lixeiro reforzar con manta e/ou con roupa de abrigo para durmir con ela posta.
- Comida para todo o período e auga para hidratarse ben. O restaurante está aberto, pero non o supermercado.
- Lanterna para a noite.
- Útiles de aseo, toalla, bañador e resto de enseres ordinarios.
VISITA ILLAS CÍES 20 MAIO
Hora de rexistro: 9:00. Temos que recoller os billetes e o localizador de entrada na illa, que son personalizados e van ser solicitados no momento de acceder ao peirao de Cies. Nese momento faise o abono do importe (levar o importe xusto se é posible)
Hora de embarque: 10:00 para entrar as 10:15 no barco
Atención: no momento de chegada haberá que someterse ao proceso de control de acceso á illa por parte de persoal do Parque. Tentaremos que sexa o máis áxil posible.
Actividades previstas. Ver enlace para máis detalle de rutas a facer pola mañá e pola tarde (opcional). Vaise abordar a xeoloxía de Cíes, que sen dúbida é singular. No citado enlace tendes acceso tamén á Guía Xeolóxica do Parque Nacional das Illas Atlánticas.
Recomendacións importantes: Como está dando unha previsión de moita calor é recomendable levar gorras e crema solar (a incidencia solar é moi forte na illa), así como gafas de sol e moita auga para evitar deshidratación. Tamén se recomenda levar calzado de camiñar para evitar feridas en pés.
