A Concellería de Medio Ambiente presenta Camiño a Camiño de Outono, que arranca o 19 de setembro

 A Concellería de Medio Ambiente ven de presentar a tempada de Outono 2021 do Programa de Educación Medioambiental "Camiño a Camiño". 

Entre setembro e novembro están previstos paseos interpretativos medioambientais por Vigo e polas serras da bisbarra. Os percorridos durarán entre 2 horas e media e 3 horas e media e nesta edición serán todos lineais, motivo polo que se retomará o emprego de autobús para desprazarse a facer as rutas.

Nas catro primeiras rutas abordarase en etapas a Senda Panorámica de Vigo (GR-53),  realizando en total aproximadamente 40km. Durante o percorrido terase ocasión de coñecer a riqueza natural da senda que une a maioría dos Parques Forestais localizados nos montes de Vigo. Trátase dunha senda singular pois para ser un Gran Percorrido cómpre contar con máis de 50 kilómetros e, chamativamente, a gran maioría descorre polo termo municipal de Vigo.

Nas catro seguintes rutas abordaranse as serras da bisbarra de Vigo (Suído, A Groba, Galleiro e Galiñeiro), na que se vai comprender como a conformación xeolóxica da comarca condiciona a paisaxe, a climatoloxía, a vexetación, a agricultura e en definitiva o particular lugar onde vivimos.

No programa que se achega (PREMER para descargar) atópase o detalle das actividades previstas. A convocatoria nesta edición é na Praza do Rei para desprazarnos en autobús. 

O primeiro percorrido terá lugar entre Vigozoo e o Parque Forestal de Bembrive (domingo 19 de setembro, pola mañá) 

Dende o luns 13 de setembro xa se pode facer a inscrición no 010 (986 81 02 60), sendo 100 as prazas dispoñibles por ruta. O procedemento de inscrición pódese consultar AQUI.

O día do percorrido, as persoas inscritas previamente no 010, personaranse na Praza do Rei: 8:30 hora de convocatoria para a inscrición e 9:00 saída do autobús. O retorno será variable segundo o percorrido. Nas primeiras rutas pode ser sobre as 13:00 horas. 

Programación Camiño a Camiño - Outono 2021