Camiño a Camiño - Senda Panorámica de Vigo_Etapa 1: Vigozoo - P.F. Bembrive

Arranca a programación de Outono'21 de Camiño a Camiño, promovida pola Concellería de Medioambiente de Vigo. Nesta edición arrancaremos coa Senda Panorámica de Vigo (GR-53), que une os parques forestais da cidade. 

A primeira etapa terá lugar entre Vigozoo e o Parque Forestal de Bembrive. En total son 11,6 km de fácil circulación pero cunha única ruta. Como é a primeira da tempada cómpre collela de xeito tranquilo e preparar botas e bastón para que sexa agrable a andaina. Achegarémonos ao patrimonio natural e paisaxístico dos montes periurbanos que nos rodean nun auténtico anel verde. 

Seguiremos con protocolos covid-19, se ben xa retomaremos os traslados en autobús dende a Praza do Rei para así poder realizar rutas lineais.

Vistas dende o Miradoiro da Madroa: vese ata onde chega o GR-53

INSCRICIÓN (100 prazas)

- Dende luns 13 setembro, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade. Actividade gratuíta.

- Haberá unha única ruta e por tal motivo é importante comprobar as súas características para ver se se adapta ás capacidades do/da participante.

- No caso de non poder asistir unha vez inscrito/a, hase de comunicar en info@caminoacaminovigo.org ou no teléfono 662 23 10 23 para así convocar á lista de agarda.

Parque Forestal do Vixiador no seu tránsito polo GR-53

SENDA PANORÁMICA DE VIGO. ETAPA 1. VIGOZOO - P.F. BEMBRIVE

✔ Domingo 17 de setembro

🏁 Punto de Encontro: Praza do Rei (marquesina de autobús)

👀 Hora de rexistro de entrada: 8:30. Hora de saída: 9:00. Hora finalización 13:00 (aprox)

🏃 Percorrido único: 11,6 km, pendente media 5,8%, dificultade baixa 

👉 Recomendacións: calzado de sendeirismo e bastóns