Prosigue a segunda semana da programación de Camiño a Camiño, promovida pola Concellería de Medioambiente de Vigo, coa senda polos areais de Vigo, entre Cabo Estai e Bouzas.
Ao igual que na primeira etapa, o trazado tamén resulta moi cómodo e permitiranos coñecer un número importante de areais, con distintas características cada un deles, e sobre todo cunha aproximación moi enriquecedora ao ecosistema intermareal. Precisamente atravesaremos espazos en marea baixa que teñen moito que contar.
INSCRICIÓN (150 prazas por paseo, gratuíta)
- Dende luns 14 de marzo, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda.
SENDA AZUL CABO ESTAI - BOUZAS*
✔ Domingo 20 de marzo
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:0. Hora finalización 13:00 (aprox)
🏃 Percorrido : 9,5 km, pendente media 2,8%, dificultade baixa
*Realizarase boa parte do percorrido polas beiras dos areais e mesmo, se o tempo o permite, poderase facer descalzado.
RECURSOS
App Vigo (descargar). Unha vez instalada, pódese atopar o percorrido do sendeiro na sección: Natureza e Parques/Praias
