A Concellería de Medio Ambiente de Vigo, a través do programa Camiño a Camiño, arranca a súa tempada de primavera cunha proposta de percorridos medioambientais por Vigo e a provincia de Pontevedra. A intención é coñecer de preto as distintas concas fluviais e espazos singulares próximos, profundando na riqueza natural e paisaxística.
(1) Percorridos de mañá (gratuíto, ata 150 persoas): Saída 9:00 dende a Praza do Rei. Convocatoria: 8:30. Retorno estimado: entre 14:00-15:00, na Praza do Rei, agás a etapa do 28 de abril, que será sobre 19:00 e 20:00h. Desprazamento autobús discrecional.
(2) Cies (custe 8,50 euros para barco a partir de 5 ano, ata 300 prazas): convocatoria 9:00-9:30 na Estación Marítima de Vigo. Retorno estimado: 20:00. Menores de 12 anos: 50% do custe. Visita 19 de maio: preinscrición entre 23-24 de abril; peche inscrición: ata 26 de abril. Visita 26de maio: preinscrición entre 30 de abril e 2 de maio; peche inscrición: ata 3 de maio. Unha vez confirmada a praza, o pago do billete do barco realizarase na taquilla de Mar de Ons, sita en r/ Cánovas de Castillo 26, en horario de oficina, ata a data de peche de inscrición indicado. Unha vez pechada, non se pode cancelar.
Inscrición e Funcionamento:
Inscrición: 010 (dende móbil: 986 81 02 60), na semana da actividade. Empadroados: de luns a mércores, de 8:00 a 20:00. Non empadroados: o xoves.
Sistema de adxudicación de prazas: un/unha participante non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade.
Recollida do ticket de viaxe: ao coller o autobús na Praza do Rei.
Renuncia á inscrición: no caso de non poder asistir unha vez inscrito/a, hase de comunicar en info@caminoacaminovigo.org ou no teléfono 662 23 10 23. Non facelo pode supór a limitación á participación en actividades posteriores.
