O programa "Camiño a Camiño" da Concellería de Medio Ambiente de Vigo abordou durante a tempada de primavera de 2023 a temática "a Ría de Vigo: un ecosistema a descubrir". Para rematar a visión de conxunto realizada durante estes meses está prevista a visita ás Illas Cíes.
O obxectivo é afondar na súa orixe das illas conectada coa conformación da Ría de Vigo -por esta dimensión xeolóxica particular estase a solicitar a consideración de Xeoparque na Unesco- e coñecer os seus valores medioambientais que fai que sexa Parque Nacional. Tamén se darán a coñecer curiosidades da súa historia máis recente.
Programa da visita:
- Control de asistencia Camiño a Camiño e elección de ruta da mañá: 9:00, na Estación Marítima (ter presente que somos 300 e que precisamos facer a inscrición interna en Camiño a Camiño e facer os grupos de visita).
- Embarque: 10:00. Lembrar levar o billete do barco co QR de acceso ao Parque e DNI.
- Ruta de mañá: 11:30 - 13:30/14:00. Distribúese en 4 grupos de visita (ver plano abaixo). A Ruta 3 está prevista para familias e persoas que non queiran camiñar moito.
- Ruta de tarde (opcional, 15:45): faranse só as Rutas 2 e 3.
- Embarque de volta: 20:00/20:15. Por seguridade recoméndase estar no peirao as 19:30.
Normativa e Información das visitas ás Illas Cíes: ver PDF ADXUNTO
Recomendacións: levar auga suficiente para todo o día, gorra ou similar e crema solar de protección alta.
Máis info de Camiño a Camiño para a visita ás Illas Cíes: AQUI (fotografías históricas, guía xeolóxica do Parque Nacional, Historia das Illas Cíes, etc)
