Camiño a Camiño - Visita ao Salnés (8/10/23)

Arrancamos Camiño a Camiño de Outono 2023 coa primeira das visitas a un espazo de produción agrícola de proximidade: O Salnés. Cun día inmellorable para a actividade, tivemos a ocasión de circular polas beiras dos ríos San Martiño e Armenteira, deténdonos na xoia arquitectónica do Mosteiro de Armenteira. Ver ALBUM FOTOGRÁFICO.

O ciclo de visitas, organizado pola Concellería de Medio Ambiente de Vigo, pretende dar a coñecer á cidadanía a recomendación de Nacións Unidas recollida no ODS - Obxectivo de Desenvolvemento Sostible 12.8: asegurar que os cidadáns e cidadás teñan a información e os coñecementos pertinentes para o desenvolvemento sostible e os estilos de vida en armonía coa natureza.

Nesta visita poidemos coñecer de preto as zonas de produción que antaño daban soporte aos numeros muíños que atopamos no percorrido, e que neste momento aínda conservan certas producións de autoconsumo, producións de pequenas empresas agrícolas de proximidade e, particularmente, acollen máis de dous terzos dos viñedos de albariño da Denominación de Orixe Rías Baixas.