Ruta Río Ulla (28/4/24)

 A sexta etapa da programación de Camiño a Camiño de primavera'24 promovida pola Concellería de Medioambiente de Vigo, está prevista a carón do Río Ulla e terá lugar o domingo 28 de abril en sesión de día completo. Será o terceiro percorrido medioambiental polos ríos da provincia de Pontevedra

Imaxe do entorno do río Ulla dende o mirador de Gundián

Nesta ocasión, vanse realizar dúas rutas: unha longa de 16,1km a realizar entre a mañán e a tarde e moi alta dificultade e  (ver abaixo); e outra curta de 10,7km a realizar pola mañá e dificultade media-alta (ver abaixo). Ademais, en función da climatoloxía que se presente haberá que decidir se se fai a sesión da tarde ou non. En todo caso é recomendable levar equipación para cambiarse para deixar no autobús.

INSCRICIÓN (gratuíta)

- Dende luns 22 de abril, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.

- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.

- No caso de non poder asistir unha vez inscrito/a, hase de comunicar en info@caminoacaminovigo.org  para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.

RUTA RÍO ULLA

✔ Domingo 28 de abril

🏁 Punto de Encontro: Praza do Rei. Traslado en autobús discrecional (gratuíto)

👀 Hora de rexistro de entrada (grupo único): 8:30. Hora de saída a medida que se enchan os autobuses. Hora finalización 18:00-19:00 (aprox)

👉 Recomendación: levar bastóns, capa, botas que soporten auga, comida e auga para hidratarse. No caso de choiva cómpre levar equipación de recambio para deixar no autobús.

🗾 Trazado: 

Trazado curto en azul. Trazado longo en vermello (é o trazado curto máis a subida ao Miradoiro de Gundián e máis a subida ao Miradoiro Alto do Castro)

🏃 Distancia, desnivel e dificultade dos percorridos según público de Camiño a Camiño: 

. Ruta Curta: 10,7 km; Dificultade media-alta. A realizar só de mañán, con programa de tarde en función da climatoloxía.

. Ruta Longa: 16,1 km; Dificultade moi alta. A realizar de mañán e tarde, con programa de tarde en función da climatoloxía.