Ruta Río Lagares e Castrelos (5/5/24)

  A última etapa da programación de Camiño a Camiño de primavera'24 promovida pola Concellería de Medioambiente de Vigo, está prevista a carón do Río Lagares e terá lugar o domingo 5 de maio, coincidindo co Día da Nai. Será o derradeiro percorrido medioambiental polos ríos da provincia de Pontevedra

Participantes de Camiño a Camiño circulando polo río Lagares

Nesta ocasión, vaise realizar unha única ruta que arrancará dende Bouzas ata conectar co río Lagares na Xunqueira e logo circulará polo curso baixo ata o Parque de Castrelos, onde teremos ocasión de visitar os xardíns e o singular bosque.

INSCRICIÓN (gratuíta)

- Dende luns 29 de abril, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.

- No caso de non poder asistir unha vez inscrito/a, hase de comunicar en info@caminoacaminovigo.org  para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.

RUTA RÍO LAGARES

✔ Domingo 5 de maio

🏁 Punto de Encontro: Praza do Rei. Traslado en autobús discrecional (gratuíto)

👀 Hora de rexistro de entrada (grupo único): 8:30. Hora de saída a medida que se enchan os autobuses. Hora finalización 13:30-14:00 (aprox)

👉 Recomendación: levar calzado de sendeirismo e auga

🗾 Trazado: 

Trazado dende Bouzas, transitando polo curso baixo do río Lagares ata Castrelos

🏃 Distancia: 10,4 km; Dificultade baixa