Axenda da Semana do 22 ao 28 de setembro

 A programación de actividades de Camiño a Camiño Outono25 (Concellería de Medio Ambiente de Vigo) desta última semana de setembro é intensa e por ese motivo resumimos nesta entrada os percorridos medioambientais e os cursos previstos.

Sábado 27 de Setembro, tarde: Andaina pola Senda Azul do Río Lagares, Tramo Mercado Cabral a Desembocadura

👀Inscrición: 100 prazas, con inscrición previa no 010 (986810260) dende o luns 22 ata o mércores 25 para empadroados. No caso de quedar prazas libres, inscrición de non empadroados o xoves 22. 

Nota: inscrición compatible coa inscrición en ruta do domingo.

🏁 Punto de Encontro: Mercado de Cabral, as 16h.

🏃 Traxecto: Mercado Cabral ata Desembocadura do río Lagares. Distancia: 12 km. Dificultade: baixa

✔  Retorno: sobre as 19h en autobús dende Desembocadura do río Lagares ata Mercado de Cabral.

Domingo 28 de Setembro, mañán: Percorrido entre Alba (Pontevedra) e a Fervenza do río Barosa (Barro)

👀Inscrición: 150 prazas, con inscrición previa no 010 (986810260) dende o luns 22 ata o mércores 25 para empadroados. No caso de quedar prazas libres, inscrición de non empadroados o xoves 22. 

Nota: unha mesma persoa non poderá asistir a dous percorridos consecutivos de domingo (máis info AQUI)

🏁 Punto de Encontro: 8:30 na Praza do Rei, para saír as 9:00. Traslado en autobús discrecional (gratuíto)

🏃 Traxecto: Alba (Pontevedra) á Fervenza do río Barosa (Barro). Distancia: 11,4 km. Pendente: reducida. Dificultade: baixa

✔  Retorno: sobre as 14-14:30h á Praza do Rei. 

👉 Recomendación: levar bastóns, botas que soporten auga e capa (no caso de previsión de choiva), así como auga para hidratarse en ruta e tentempé para media mañá.

🗾 Trazado e alzado: 

HORTAS URBANAS E VOLUNTARIADO MEDIOAMBIENTAL

As hortas urbanas proseguirán a súa actividade habitual e o 1 de outubro entrará o horario de inverno  (de 10 a 13 horas polas mañás e de 16 a 19 horas polas tardes) en Navia, Fontáns, Pedro Alvarado, Sardomela, Ramón Nieto e Camelias. 

Para poder participar nas mesmas é preciso realizar o Curso básico de hortas urbanas que terán lugar entre o 23 e 25 de setembro. As persoas interesadas no citado curso poden consultar no 010. Máis info no apartado HORTAS URBANAS deste blog. 

Tamén seguen as actividades de voluntariado medioambiental no Monte da Guía, nos sendeiros locais ou na caneira municipal (máis info no apartado VOLUNTARIADO deste blog). 

Para poder participar é preciso realizar o Curso de iniciación ao voluntariado medioambiental previsto para o mércores 24 de setembro, as 16:30, en Vigo Nature (máis info no apartado FORMACIÓN deste blog)

As inscricións para todas estes cursos pódense facer no 010 (986 810 260 dende móbil) dende o 18 de setembro.