Resumo Depresión Meridiana 1 - Alba-Río Barosa (28/9/25)

A primeira das rutas da tempada de Outono'25 de Camiño a Camiño promovida pola Concellería de Medio Ambiente de Vigo desenvolveuse en plena Depresión Meridiana, entre Alba (Pontevedra) e a Fervenza do Río Barosa (Barro). 

No arranque acompañou o día e permitiu comprobar como as vías de comunicación dende os romanos (via XIX de Antonino) ata a actualidade (N 515, AP 9, vía do tren rexional, tren de alta velocidade) aproveitan a falla que vai dende Carballo ata Tui. Ademais, a conformación do territorio, entre os que destaca a fermosa Fervenza do Río Barosa, está condicionado por este curioso fenómeno xeolóxico.

Curiosamente, esta ruta coincide cun tramo do Camiño Portugués entre Pontevedra e Caldas de Reis, onde centos de peregrinos de todas as nacionalidades nos acompañaron (ou máis ven os acompañamos nós a eles) durante un bonito percorrido por un bosque de ribeira chamativo.

Ver ALBÚM FOTOGRAFICO e de seguido algunhas das instantáneas máis representativas: