A celebración da X Andaina polos Montes de Vigo, organizado pola Concellería de Medio Ambiente de Vigo, en colaboración con Montes de Vigo, permitiu que preto de 750 participantes circularan polos sendeiros locais de Cabral e de Candeán, nas distintas andainas programadas. Tamén houbo actividades para as familias e actividades informativas nas que se deron a coñecer os valores ambientais dos montes de Vigo.
 |
| Inicio da Andaina curta no Parque Forestal do Vixiador |
Ao inicio da Andaina curta a Concelleira de Medio Ambiente, Nuria Rodríguez, deu a benvida aos participantes no Parque Forestal do Vixiador e invitou aos asistentes a gozar dos espazos naturais que nos brindan os montes de Vigo, nesta ocasión os de Candeán e de Cabral, que son unha mostra da riqueza ambiental da cidade na que se conxugan servizos recreativo-culturais con servizos hídricos ou de captación de CO2 tal e como se recollen nas exposicións presentes no parque.
 |
| Inicio da Andaina longa que circulou polos sendeioros de Cabral e Candeán |
O Presidente da Comunidade de Montes de Candeán, Oscar Domínguez, lembrou aos asistentes a importancia de conservar os montes de Vigo como patrimonio natural da cidade que na súa meirande parte están á disposición da cidadanía para actividades recreativas, deportivas ou culturais.
O Presidente da Mancomunidade de Montes de Vigo, Uxío González, sinalou que nestes momentos estanse a estudar coa Universidade de Vigo estes servizos ecosistémicos para avaliar o seu impacto social e como lograr a sostibilidade no tempo con contribucións públicas e privadas.
Momentos das Andainas (avance)
 |
Actividades complementarias
O stand do proxecto "Montes de Vigo 2046: montes veciñais en valor" que a Mancomunidade realiza en colaboración co Departamento de Bioloxía Ambiental da Universidade de Vigo, resumiu eses servizos ecosistémicos que proporcionan os montes de Vigo á cidade, particularmente os servizos recreativos -con parques forestais, sendeiros, espazos de interpretación etnoarquelóxica, etc-, a provisión hídrica -cos regatos, cos mananciais, coas minas, etc- e a captación de CO2 que se produce tanto nos montes productivos como nos montes protectores que se distribúen polos montes de Vigo.
 |
| Stand de Bioloxía Ambiental na Andaina25 |
Outras actividades protagonizadas polo IES de Beade e pola Aulta micolóxica de Beade completaron os stands presentes na X Andaina polos Montes de Vigo no que os asistentes poideron ver curiosidades sobre a micoloxía
 |
| Stand do IES de Beade |
